బుల్లితెరసినిమా
Trending

కార్తీకదీపం 954 ఎపిసోడ్‌ హైలైట్స్..

‘నేనేం చెయ్యట్లేదు డాక్టర్ బాబు.. అంతా మీరే చేస్తున్నారు. నా దారి రహదారిగా మార్చింది మీరే..’ అని ఫోన్ పెట్టేస్తుంది దీప. సీన్ కట్ చేస్తే.. దీప జరిగిందంతా తలుచుకుంటూ.. ‘నిరాశావాదాన్ని ఎప్పుడో వదిలేశాను డాక్టర్ బాబు.. అతి త్వరలోనే మనం కలవబోతున్నాం డాక్టర్ బాబు.. మనం ఏదైనా బలంగా కోరుకుంటే అది జరిగి తీరుతుందట. అందులో భాగంగానే రేపు నేను ఓ పని చెయ్యబోతున్నాను’ అని నవ్వుకుంటుంది.

సీన్ కట్ చేస్తే.. మరునాడు ఉదయం కార్తీక్ కారులో ఒక ఇంటి ముందు ఆగి.. ‘లక్ష్మమ్మ(తన లవర్ హిమ తల్లి) నన్ను ఎందుకు పిలిచింది? ఈ రోజు హిమ బర్త్‌డే అని గుర్తు చేసుకుని పిలిచిందా? ఆరోగ్యం బాగానే ఉందా? అసలు ఎందుకు పిలిచి ఉంటుంది? ఏం అయ్యి ఉంటుంది?’ అనుకుంటూ కారు దిగుతాడు. ఇంట్లోకి వస్తాడు. హిమ ఫోటోకి దండలు వేసి.. ఉండటం చూసి అలా బాధగా తన ప్రేమని, ‘ఐ లవ్యూ హిమా’ అని హిమకు చెప్పిన మాటల్ని, ఆ రోజుల్నీ గుర్తు చేసుకుంటూ అలా నడుచుకుంటూ వెళ్తాడు. ‘ఊపిరాగే బాధంటే, తెలుసుకున్నా ఈ పూటే కాలమాగే వీలుంటే, ఆగిపోనీ ఈ చోటే..’ అనే సాంగ్ బ్యాగ్రౌండ్‌లో వస్తుంటే.. కార్తీక్ అలా బాధగా హిమ ఫోటోని, దాని కింద ఉన్న హ్యాపీ బర్త్‌డే అని ఉన్న కేక్‌ని చూస్తూ ఉండిపోతాడు.

ఇంతలో లక్ష్మమ్మ వచ్చి.. కన్నీళ్లు పెట్టుకుంటుంది. ‘చిన్నప్పుడు ప్రతి పుట్టిన రోజుకి గుడికి తీసుకుని వెళ్లేదాన్ని. గుడిలో పూజారి అక్షింతలు వేస్తూ.. ఎన్నో పుట్టిన రోజులు చేసుకోవాలని దీవించేవాడు. ఇప్పటికీ హిమ పుట్టిన రోజులు జరుపుకుంటూనే ఉంది. చూడండి బాబు.. ఈ ఏడాది మిమ్మల్ని కూడా రప్పించుకుంది. ఎంత ప్రేమగా పిలిపించుకుందో చూశారా? అక్షితలు వేసి.. నా బిడ్డని ఆశీర్వదించి వెళ్లండి బాబు.. ఎప్పుడో నూరేళ్లు నిండిపోయినా.. నిండు నూరేళ్లు ఇలాగే పుట్టినరోజులు జరుపుకోవాలని హిమని దీవించండి..’ అంటుంది ఏడుస్తూనే.

‘ఈ కేక్.. ఈ ఏర్పాట్లు.. ఇవన్నీ..’ అంటాడు కార్తీక్. అప్పుడు లక్ష్మమ్మ వచ్చిన గదిలోంచే.. దీప పూలబొకేతో ఎంట్రీ ఇస్తుంది. ‘నేనే చేశాను డాక్టర్ బాబు’ అంటూనే.. ‘మీరు గుడికి వెళ్లి రండి లక్ష్మమ్మ’ అంటుంది దీప. ‘వస్తాను బాబు’ అని ఆమె వెళ్తుంది. ‘ఏంటి ఇదంతా?’ అంటాడు కార్తీక్. ‘హిమ ఉండాల్సిన స్థానానికి నేను వచ్చాను.. కానీ నేను ఉండాల్సిన స్థానంలోనే లేను.. హిమ చనిపోయి దూరమైంది. నేను బతికుండే దూరమయ్యాను. ఇద్దరం బలైపోయింది ఒక్కరి వల్లే.. ఆ ఒకరూ ఏ దేవుడో కాదు.. ఒక దెయ్యం.. ఇప్పుడు ఆత్మకథ చెప్పడానికి ఇదంతా చెయ్యలేదు. మిమ్మల్ని ప్రేమించినందుకే హిమ ఈ లోకాన్నివదిలి వెళ్లిపోవాల్సి వచ్చింది. ఆమె ఆత్మకు శాంతి కలగాలంటే.. మీరు ఎక్కడో ఉండి ఆమె జ్ఞ‌ాపకాలను నేమరు వేసుకుంటే సరిపోదు అనిపించింది.. అందుకే ముందు నేను వచ్చాను.. తర్వాత మిమ్మల్ని రప్పించాను.. ఒక్కసారి మీ ఫోన్ ఇస్తారా డాక్టర్ బాబు’ అని అడుగుతుంది దీప. కార్తీక్ అసంక్పితంగానే ఫోన్ తీసి దీప చేతిలో పెడతాడు.

కాసేపు మీ ఫోన్ స్విచ్ ఆఫ్ చేసి పెడతాను డాక్టర్ బాబు..’ అంటూ ఫోన్ స్విచ్ ఆఫ్ చేసి.. తిరిగి కార్తీక్‌కి ఇచ్చేస్తుంది దీప. ఫోన్ అంతే అసంక్పితంగా తీసుకుంటాడు కార్తీక్. ‘ఇది నివాళి అంటారో.. శ్రద్ధాంజలి అంటారో వర్థంతి అంటారో.. జయంతి అంటారో నాకు తెలియదు.. హిమని మీరు ప్రేమించడం అనేది వాస్తవం. వాస్తవంలో హిమ లేదన్నది నిజం.. మనిషి బౌతికంగా ఎదురుగా ఉన్నంత వరకే ప్రేమ అనేది అబద్దం.. మీ జ్ఞ‌ాపకంలో హిమ సజీవంగా ఉంది. మన కూతురు హిమ రూపంలో ఎదురుగా తిరుగుతూనే ఉంది. మీ జీవితంలో హిమ పాత్ర ముగిసిపోలేదు. అందుకే హిమ సాక్షిగా మనసు విప్పి మాట్లాడుకోవడానికి ఇంతకన్నా మంచి సందర్భం మంచివేదికా లేదని నాకు అనిపించింది..’ అంటుంది దీప.

కార్తీక్ బాధలోనే హిమ ఫోటోనే చూస్తుండగా.. దీప బొకే కార్తీక్‌కి అందిస్తుంది. కార్తీక్ అందుకుంటాడు. దీప కూడా ఆ బొకేని పట్టుకుని ఇద్దరూ కలిసి హిమ ఫోటో ముందు ఆ బొకేని పెడతారు. అదే టైమ్‌కి మోనిత కారు పక్కనే నిలబడి.. రోడ్డు మీద నుంచే కార్తీక్‌కి ట్రై చేస్తుంది. ‘కార్తీక్ ఫోన్ స్విచ్ ఆఫ్ రావడం ఏంటీ..ఏం అయినట్లు? ఎక్కడున్నట్లు? హాస్పెటల్‌లో కూడా లేడే.. ఈ మనిషితో వచ్చిన ఇబ్బందే ఇది..’ అని తెగ గుంజుకుంటూ ఉంటుంది. అప్పుడే అటుగా.. అంజీ బైక్ మీద వెళ్తుంటాడు.

అంజీని చూసిన వెంటనే..మోనిత వెనక్కి తిరిగి.. ముఖానికి చేతులు అడ్డం పెట్టుకుని మరీ దాచుకుంటుంది. వెంటనే మనసులో.. ‘నేను ఎందుకు వాడికి బయపడాలి.. వాడి దగ్గర ఏం ఆధారాలు ఉన్నాయని భయపడాలి. ఈ రోజు వాడికి దిమ్మతిరిగి మైండ్ బ్లాక్ అవ్వాలి’ అనుకుంటూ ఉండగా అంజీ చూసుకోకుండా క్రాస్ చేసుకుని వెళ్లిపోతూ ఉంటాడు. దాంతో మోనిత.. ‘హేయ్ అంజీ..’అని పిలుస్తుంది కావాలనే. అంజీ బైక్ ఆపి వెనక్కి తిరిగడంతో.. ‘ఏయ్.. ఇటు రారా’ అంటుంది మోనిత. దాంతో అంజీ కోపంగా మోనిత దగ్గరకు వెళ్తాడు. ‘ఏంటీ మీసార్ హాస్పెటల్‌లోనూ లేడు.. ఇంటిలోనూ లేడా?’ అంటుంది. దాంతో అంజీ కోపంగా.. ‘ఎంత ధైర్యమే నీకు?’ అంటాడు. వెంటనే లాగిపెట్టి కొడుతుంది.

ఏంట్రా డ్రైవర్ గాడివి డ్రైవర్‌లా ఉండు.. నేను మీ సార్‌కి కాబోయే భార్యని. అంటే నీకు మేడమ్‌ని మేడమ్ అని పిలు.. నా దగ్గర ఎక్స్‌ట్రాలు చేశావనుకో.. కట్ చేస్తా’ అని వార్నింగ్ ఇచ్చి అక్కడ నుంచి కారు వేసుకుని వెళ్లిపోతుంది. అంజీ షాక్‌లో అలా చూస్తూనే ఉంటాడు. సీన్ కట్ చేస్తే.. కార్తీక్.. సోఫాలో కూర్చుని.. దీర్ఘంగా, బాధగా ఆలోచిస్తున్నాడు. హిమ ఫోటో దగ్గర నిలబడిన దీప నూనె పోసి దీపాలు వెలిగించి.. వెనక్కి తిరిగి.. ‘డాక్టర్ బాబు.. భర్త జీవితంలో ఉన్న అమ్మాయి గురించి ప్రతి భార్యకు అసూయగానే ఉంటుంది. హిమ ప్రాణాలతో లేదు కాబట్టి నాకు అసూయ లేదనుకోవద్దు.. మీ ప్రేమని దక్కించుకునే అదృష్టం హిమకు లేదు కాబట్టి నిజంగానే బాధపడ్డాను. అందుకే మీకు గుర్తుందో లేదు మనం దత్తత తీసుకునే పాపకు కూడా హిమ అనే పేరే పెడదాం అనుకున్నాను..’ అంటుంది దీప.

(మీలా అందంగా ఉండాలి. మీ మనసులా చల్లగా ఉండాలి’ అని దీప గతంలో అంటే.. ముందు పేరేంటో చెప్పు దీపా.. అని కార్తీక్ అంటే.. దీప ‘హిమ’ అంటుంది. ఆ మాటలన్నీ గుర్తొస్తాయి కార్తీక్‌కి) ‘మీకు ఆ సంతోషమైనా తీరాలని కోరుకున్నాను. అది మన హిమ రూపంలో తీరింది. నాకు మీరంటే ప్రాణం డాక్టర్ బాబు..’ అంటుంది దీప. కార్తీక్ కళ్లు పైకెత్తి దీపవైపు మోనంగా చూస్తాడు. ‘మీలాగే నేను కూడా రంగుకు రూపానికి విలువిచ్చే మనిషిని కాదు డాక్టర్ బాబు.. నేను నేత్ర దానం చేయడానికి వచ్చినప్పుడు అప్పటికే మీరు నేత్రదానం చేశారు.. నేను నా ఇంట్లో మా పిన్ని వల్ల నేను కష్టాలు పడుతుంటే.. అండగా నిలబడ్డారు..’అని దీప మాట్లాడుతుంటే కార్తీక్ ప్రతి సీన్ గుర్తు చేసుకుంటాడు.

‘అప్పటి దాకా నేను అనుభవించిన కష్టాలన్నీ తీరిపోయేలా చేయడం కోసమే మీరు నా జీవితంలోకి వచ్చారు.. అత్తయ్యగారు అన్నట్లు మీరు నిజంగా దేశోదారకులే.. అందుకే కదా హిమ అనాథ అని తెలిసినా కూడా అరచేతుల్లో పెట్టి పెంచుకున్నారు.. ఇలాంటివెన్నో నా ప్రేమని పెరిగేలా చేశాయి..కానీ.. మీరు నన్ను జాలితో పెళ్లి చేసుకున్నారు.. ప్రేమతో కాదు’ అంటుంది దీప. దీప చెబుతున్నంత సేపు కార్తీక్‌కి ప్రతీ సీన్ కళ్ల ముందు కనిపిస్తుంది. ‘కాదని నీకు ఎలా తెలుసు?.. నేను ఆ రోజుల్లో నీలో కనిపించే ఆత్మసౌందర్యాన్నే ప్రేమించి పెళ్లి చేసుకున్నాను’ అంటాడు కార్తీక్ కాస్త కఠినంగా.

‘శరీరానికి చావు ఉంది..ప్రతి జీవరానికి చావు ఉంది. కానీ సృష్టిలో చావు లేనిది ఆత్మసౌందర్యానికే.. అది అప్పుడు ఎలా ఉందో ఇప్పుడూ అలానే ఉంది.. మీలో ఆత్మసౌందర్యాన్ని వెతికే ప్రేమే లేదు’ అంటుంది దీప. ‘ఉందో లేదో గతానికే వదిలేద్దాం.. కానీ హిమ తర్వాత నాకు నచ్చింది నువ్వే..’ అంటాడు కార్తీక్. ఆ మాట వినగానే దీప చాలా ఆనందిస్తుంది. ‘నీలో రంగు రూపు వెతుక్కోలేదు.. నీ కళ్లు చూశాను.. ఆ కళ్లలో అమాయకత్వం చూశాను.. మనుషుల పట్ల కనపరిచే దయను చూశాను.. అంతకంతకూ నచ్చడం మొదలుపెట్టాయి.. నా కారు మీద నువ్వు గోటితో గీత పెట్టి.. కాటుకతో కవర్ చేస్తున్న రోజు.. రోడ్డు మీద వాహనాలు ప్రమాదానికి గురి అవుతున్నాయని.. నువ్వు చున్నీని వేలాడదీసి జనాన్ని హెచ్చరిస్తున్నప్పుడు.. అన్నింటికన్నా ముందుగా.. గుడిలో తీర్థాన్ని ఒక మనిషి ప్రాణాన్ని నిలబెట్టడానికి తీసుకుని వెళ్లినప్పుడు.. ఇలా చాలా సార్లు నేను నీ వ్యక్తిత్వాన్ని చూశాను..’ అంటూ కార్తీక్ చెబుతుంటే దీప సంబరంగా వింటోంది.

‘నేను నిన్ను పెళ్లి చేసుకుంటాను అన్నప్పుడు అదొక అద్భుతం.. అని పొంగిపోకుండా.. నాలో ఏం చూసి పెళ్లి చేసుకోవాలనుకుంటున్నారు అని అడిగావ్.. చూడు అప్పుడు నీ సంస్కారం నచ్చింది. మా అమ్మ నీ మీద ద్వేషం పెంచుకుని.. చప్పుల స్టాండ్ పక్కన అన్నం పెట్టినా చిరునవ్వుతో భరించావ్.. అప్పుడు నీ సహనం నాకు నచ్చింది.. నచ్చడానికి కారణాలు ఎన్నో ఉన్నాయి.. కానీ విడిపోవడానికి ఒకే ఒక్క కారణం.. నిన్ను పెళ్లి చేసుకున్నాక తొందరలోనే హిమని మరిపించగలిగావ్, కానీ.. మళ్లీ ఇప్పుడు ఇలా హిమ ఫోటో ముందు కూర్చోవలసిన పరిస్థితి వచ్చింది..దానికి కారణం ఏంటో నీకూ తెలుసు.. నాకు తెలుసు.. కానీ దానిగురించి ఇప్పుడు చర్చ అవసరం.. తల్లి నిజం.. తండ్రి నమ్మకం అనేదానిపైనే నాకు నమ్మకం..’ అంటాడు కార్తీక్.

‘తండ్రి కూడా నిజమేనని చెప్పగలిగే ఆధునిక సాంకేతిక పరిజ్ఞ‌ానలో మునిగి తేలుతున్న మీకు ఆ టెస్ట్‌ల గురించి ఒక వంటలక్క గుర్తు చెయ్యాలా డాక్టర్ బాబు..’ అంటుంది దీప బాధగా. మోనిత మాటలు గుర్తొస్తాయి కార్తీక్‌కి. (నీకు ఎప్పటికీ పిల్లలు పుట్టరని మరో సారి సాక్ష్యం సిద్ధమైంది కార్తీక్ అని ఫైల్ ఇస్తుంది మోనిత అప్పట్లో.) ‘గతాన్ని తవ్వకు దీపా.. లాభం లేదు..అంటాడు కార్తీక్. ‘గతంలోనే నా భవిష్యత్ ముడిపడి ఉంది కదా డాక్టర్ బాబు..’ అంటుంది దీప. ‘నీ భవిష్యత్‌ని పోగొట్టుకున్నది నీ గతం వల్లే అని నువ్వు మరిచిపోయినా నేను మరిచిపోలేదు’ అంటాడు కార్తీక్. ‘ఈ తర్కం ఎంతకాలం డాక్టర్ బాబు..? ఈ సమస్యతో పిల్లలు బాగా నలిగిపోతున్నారు’ అంటుంది దీప బాధగా.

ఇది మన సమస్య దీపా.. ఇందులోకి పిల్లల్ని లాగొద్దు.. ఆ రౌడీ కూడా తండ్రి ప్రేమ కోసం తపిస్తోంది.. చిత్రంగా దాని మీద కోపం రావట్లేదు.. జాలేస్తోంది.. జాలిలోంచి తండ్రి.. నమ్మకంలోంచే తండ్రి పుడతాడు.. అది పుట్టక ముందే పోయింది.. నేను బాగా అలసిపోయాను దీప.. మనసు అలసిపోతే ఏం మందులుంటాయి..? అసలిన మనసులో ఆశలు ఎలా ఉంటాయి?’ అంటాడు కార్తీక్. మరిన్ని వివరాలు తరువాయి భాగంలో చూద్దాం! ‘కార్తీకదీపం’ కొనసాగుతోంది.

Related Articles

Leave a Reply

Your email address will not be published. Required fields are marked *

Back to top button